Dakpan sa kapulisan ang usa ka Top 1 Most Wanted Person Municipal Level atol sa hiniusang operasyon sa kapulisan sa Sominot Municipal Police Station sa koordinasyon sa 1st Zamboanga del Sur Provincial Mobile Force Company sa may Barangay Eastern Poblacion, Sominot, Zamboanga del Sur, adlaw’ng lunes, Oktubre 13, 2025.
Bitbit sa kapulisan ang warrant of arrest gumikan sa paglapas sa COMELEC Gun Ban ug Illegal Possession of Firearm and Ammunition dinukitan sa Section 28(a) in relation to Section 28(e)(1) sa Republic Act 10591 nga miresulta sa pagkasikop ang usa ka 20 anyos, lalaki nga residente sa lugar.
Ang warrant of arrest gi-isyu sa Presiding Judge of RTC Branch 30, 9th Judicial Region, Aurora, Zamboanga del Sur, pinetsahan kaniadtong Oktubre 21, 2024.
Gitugutan ang dinakpan nga makapyansa sa kantidad nga ₱36,000.00 gumikan sa COMELEC Gun Ban ug ang ₱180,000.00 nga pyansa alang sa kasong Illegal Possession of Firearm and Ammunition.
Ang akusado sa karon nakakustudiya na sa Sominot Municipal Police Station alang sa pagpasaka sa tukmang kaso.
Photo courtesy to: PD ZSPPO, PRO9
