Suportado sa Palasyo sa Malacañang ang laraw ni Department of Budget and Management (DBM) Secretary Amenah Pangandaman nga pahamtangan ug tibuok kinabuhi nga pag-ban sa mga salawayong mga contractors ug suppliers sa nasud.
Gipahayag ni Palace Press Officer Undersecretary Claire Castro, ang maong lawar nahisubay usab sa direktiba ni PBBM arob hingpit mawagtang ang dili maong pamalakad sa gobyerno.
Tumong ni Secretary Pangandaman nga angay nga pahamtangan ug silot ang mga pribadong mga indibidwal o kompanya sa subli nga naghimo ug pagsupak ug wala misunod sa kontrata tali sa gobyerno.
Subay sa nakalatid sa Republic Act No. 12009 o New Government Procurement Act, gilauman nga mahimong lig-ong hinagiban batok sa korapsyon ug pagsiguro nga mapaingon sa sakto ang pondo sa kaban.
Sa oras nga mahimo nga hingpit kining balaod, klaru nga di na makabalik sa bisan unsang mga proyekto sa gobyerno ang mga kumpanyang mapamatud-ang magpabadlong.
Photo courtesy to:Wikimedia commons
