Nanawagan ang Department of Health (DOH) Region 9 sa mga ginikanan nga siguroon ang pagpirma sa gipadala sa mga bata nga “parental consent” gikan sa mga magtutudlo aron mabakunahan sa gilusad nga School Based Immunization (SBI).
Matod ni Cristy Ajijul ,National Immunization Program Coordinator sa Department of Health Region 9, kinahanglanon sa mga health expert ang “parental consent” lakip ang vaccination card aron ang mga bata maprotektahan sa dili mopailawom sa pagpabakuna.
Gisaysay ni Ajijul, taas ang panahon sa ilang gihimong information drive alang sa luwas nga pagbakuna sa mga bata gani gipaagi pa nila sa mga Parent Teachers Association (PTA) Meeting ilang mga pahibalo kabahin sa maong mga bakuna.
Pinaagi sa parental consent mahibaluan usab sa mga Doctor o mga health expert kun angayan bang bakunahan ang mga bata ilabina kun kini naghambin ug mga balatian sama sa hilanat, ubo ug uban pang sakit nga posibleng motakboy sa bata.
Dungan niini, subli nga gipaabot ni Ajijul nga walay angay kabalak-an ang mga ginikanan sa mga bakuna nga ihatag sa mga kabataan gumikan kay kin luwas ug hundred percent effective nga dako usab katabang sa mga kabataan.
Photo for illustration credits to:Philstar.com
