Gipadala sa US ang mga sundalo niini sa Israel aron motabang sa pagmonitor sa ceasefire sa Gaza. Kahibaloang ang mga sundalo nga gipadala kaniadto nakabase sa Middle East.
Magtukod ang militar sa US og multinasyunal nga taskforce sa Israel nga nailhan isip civil-military coordination center diin makig-uban sa mga sundalo gikan sa Egypt, Qatar, Turkey ug United Arab Emirates.
Dili magbutang og mga sundalo ang US sa Gaza tungod kay ang ilang trabaho mao ang paghimo og Joint Control Center nga mokontrol sa mga multinasyunal nga pwersa.
Matod pa nga ang taskforce pangunahan sa US Central Command nga nakabase sa Middle East ug bantayan ang proseso sa kasabutan sa maong hunong-buto.
Motabang usab sila sa pag-coordinate sa humanitarian nga tabang. Samtang ang multinasyunal nga pwersa mohatag og impormasyon sa Hamas ug Israel pinaagi sa Egypt ug Qatar sa sitwasyon sa yuta.
Kahinumdoman nga giaprobahan sa gobyerno sa Israel ang unang bahin sa Gaza deal sa Hamas nga mahuman sa usa ka ceasefire ug ang pagpagawas sa mga hostage ug mga binilanggo.
Photo Courtesy to:NewsNation
