Ginalaraw karon nga ang Pilipinas mahimong ikaduha sa labing paspas nga paglambo nga ekonomiya sa Southeast Asia karong tuiga ug sa sunod, bisan pa man nga ang dagan sa pag-uswag gilauman nga mohinay itandi sa miaging tuig tungod sa mga kawalay kasegurohan, sumala sa ASEAN+3 Macroeconomic Research Office (AMRO).
Sa ilang Quarterly Update of the ASEAN+3 Regional Economic Outlook, miingon ang AMRO nga ginalauman nga ang ekonomiya sa Pilipinas motubo og 5.6 porsyento karong tuiga.Ang forecast o panglantaw nahisakop sa target growth ranges sa gobyerno nga 5.5 ngadto sa 6.
Kung makab-ot ang forecast sa AMRO, ang Pilipinas ang makatala sa ikaduhang labing taas nga growth rate sa Southeast Asia, sunod sa gipaabot nga 7.5 porsyento nga paglambo sa Vietnam karong tuiga.
Ang ubang nasud sa ASEAN ginalauman nga magtala og mas hinay nga growth rates kaysa Pilipinas, sama sa Indonesia (5 porsyento), Cambodia (4.9 porsyento), Laos (4.4 porsyento), Malaysia (4.3 porsyento), Singapore (2.6 porsyento), Thailand (2.2 porsyento) ug Brunei Darussalam (1.2 porsyento).
Photo courtesy: ASEAN+3 Macroeconomic Research Office
