Human sa pito ka sunod-sunod nga semana nga pag-saka sa prisyo, gipaabot ang rollback sa presyo sa produktong petrolyo sa nasud sunod semana, sumala sa Department of Energy (DOE).
Sa interbyu kagahapon Oktubre 10, si DOE Oil Industry Management Bureau Assistant Director Rodela Romero miingon nga base sa upat ka adlaw nga trade monitoring sa Means of Platts Singapore, ang mosunod nga pagkunhod sa presyo mahimong mapaabot sa:
Gasoline – P0.17 matag litro
Diesel – P0.54 matag litro
Kerosene – P0.47 matag litro
Matod ni Romero, mas lagmit nga mous-os ang presyo sa diesel ug kerosene, samtang ang gasolina mahimong magpabilin nga dili mausab o motaas og gamay tungod sa dugang gasto sa mga kompaniya sa lana.
Gipasabot sa DOE nga ang gipaabot nga rollback resulta sa sobra nga suplay sa lana sa kalibotanong merkado, human ang Iraq mibalik sa pag-eksport sa lana gikan sa Kurdish region niini.
via: DOE
