Padayong nanawagan sa publiko si Commodore Jay Tarriela, tigpamaba sa Philippine Coast Guard (PCG) for the West Philippine Sea (WPS), nga mosalmot sa “Takbo Para sa WPS 2025” nga ipahigayon karong Sabado sa Bridgetowne Central Park, Pasig City.
Matod ni Tarriela, ang nasangpit nga fun run dili lamang usa ka kalihokan sa panglawas kon dili usa usab ka makahuluganon nga pagpakita sa panaghiusa ug suporta sa tinguha sa nasud nga mapanalipdan ang West Philippine Sea.
Ang mga partisipante mahimong moapil sa tulo ka mga kategorya: 3 ka kilometro, 5 ka kilometro, ug 10 ka kilometro. Ang pondo nga matigom gikan sa nasangpit nga aktibidad igahin alang sa pag-imprenta sa mga educational comic books nga giulohan og “Ang mga Kuwento ni Teacher Jun”, nga nagtumong sa pagpalambo sa kahibalo sa mga kabatan-onan kalabot sa isyu sa WPS.
Gipaabot nga modagsa ang mga supporter gikan sa nagkadaiyang sektor sa katilingban aron ipakita ang ilang panaghiusa sa adbokasiya.
via: PCCG
