Gitangtang sa katungdanan ang Presidente sa Peru nga si Dina Boluarte pagkahuman sa boto sa Kongreso nga gihimo sa usa ka emergency session, pagkahuman sa mga oras sa mainit nga debate sa iyang impeachment.
Sa boto, 122 sa 130 ka mga magbabalaod ang mibotar pabor sa pagtangtang sa presidente, base sa mga alegasyon sa “permanent moral incapacity”—usa ka legal nga termino nga gigamit sa Peru sa pagtangtang sa usa ka naglingkod nga lider.
Ang desisyon moabut taliwala sa nagpadayon nga kagubot sa nasud, lakip ang pagtaas sa mga protesta batok sa gobyerno, mga iskandalo sa politika, ug usa ka nagkagrabe nga problema sa krimen ug kapintasan sa gang sa lainlaing mga bahin sa Peru.
Si Boluarte, kinsa milingkod sa katungdanan niadtong 2022 human sa pagpalagpot ni Pedro Castillo, nag-atubang og grabeng pagsaway sa iyang pamunoan. Wala sab makatabang ang mga taho sa sobrang paggamit og puwersa sa kapolisan sa pagsumpo sa mga protesta, nga nakapamenos pa sa iyang popularidad.
Samtang wala pay naglingkod nga bise presidente, si Congress Leader Jose Jeri nanumpa isip interim president sa nasod.
via: People Dispatch
