Gikasal na si kanhi Miss Universe Philippines 2021 Beatrice Luigi Gomez sa iyang boyfriend nga si DJ John Odin. Gipahigayon ang kasal sa Bauang, La Union niadtong Oktubre 8, diin mga paryente ug suod nga mga higala ang mitambong sa espesyal nga okasyon.
Sa ilang social media accounts, gibahagi ni Beatrice ang mga hulagway sa kasal, nga gidayeg ug gipuno sa mga pagbati ug congratulations gikan sa ilang mga higala ug tagasuporta.
Si Beatrice Luigi Gomez, nga representante sa Cebu City sa Miss Universe Philippines 2021, mitungtong sa kasaysayan isip unang openly bisexual nga babaye nga nakadaog sa national crown, ug nakasulod pa sa Top 5 sa Miss Universe 2021 pageant nga gipahigayon sa Israel.
Samtang ang iyang bana nga si DJ John Odin mao ang usa ka iladong disk jockey sa Pilipinas ug sa gawas sa nasud, nga nailhan tungod sa iyang talento ug musika.
