Kusganong gikuwestiyon ni Atty. Nicholas Kaufman, abogado ni kanhi Presidente Rodrigo Duterte, kabahin sa “Report on the Assessment by the Medical Officer of the Detention Center” nga naghisgot sa medikal nga kondisyon sa iyang kliyente.
Sa usa ka dokumento nga gipagawas sa International Criminal Court (ICC) pinetsahan Oktubre 9, 2025, pipila ka hinungdanon nga kasayuran bahin sa kahimsog sa kanhi presidente gibutyag.
Matod ni Kaufman, wala siya hatagi og sinulat nga pagtugot gikan ni Duterte alang sa pagbutyag sa personal nga impormasyon kalabot sa iyang kahimtang sa panglawas.
Gipakita lamang kaniya ang gitawag nga “Factual Report” sa paragraph 16 sa dokumento sa mubo nga panahon sa wala pa kini gibalik sa mga awtoridad sa detention center.
Wala usab siya hatagi og kahigayonan nga makakuha og kopya sa maong report.
Gisaway ni Kaufman ang gitawag nga “informed written consent” nga nakuha gikan kang Duterte, nga miinsistir nga kini dili balido. Matod niya ang tawo nga nakakuha sa pagtugot adunay naa na nga kondisyon ug “cognitive impairment” nga karon gisusi sa korte.
Matud usab ni Kaufman nga giangkon ni Duterte nga nahadlok siya sa usa ka indibidwal nga wala nganli sa dokumento.
Gitawag sa depensa ang proseso sa pagkuha sa pagtugot ug pagpugong sa medikal nga taho nga “wala pa kaniadto ug kwestyonable sa pamatasan.”
Matod ni Kaufman, dugay na niyang gipahibalo ang ICC Registry bahin sa kahimtang ni Duterte, apan wala kini panumbalinga.
Miresulta hinuon sa “unilateral reprimand” batok niya.
Kini nga mga alegasyon kabahin sa nagpadayong legal nga proseso sa ICC kalabot sa mga kasong krimen batok sa katawhan nga gisang-at batok kang Duterte kalabot sa iyang kampanya batok sa droga.
Ang kampo sa kanhi presidente nagpadayon sa pagsupak sa mga lakang sa ICC, ilabi na mahitungod sa iyang panglawas ug abilidad sa pagbarog sa pagsulay.
Photo courtesy to:HUMAN RIGHTS WATCH
