Nagpahimangno ang Taiwan’s Defense Ministry nga padayon ang pagpangandam sa China alang sa posibleng umaabot nga pagsulong pinaagi sa paggamit sa “grey zone” tactics.
Lakip niini ang pagpatuman sa mga coast guard patrols, surveillance balloons, ug ubang operasyon nga dili direktang pakiggubat apan nagpadako sa tensiyon tali sa duha ka nasud.
Base sa report, sukad pa sa 2022, adunay pito ka dako nga war games nga gihimo sa China duol sa Taiwan Strait.
Gani, lakip usab sa ilang palihok ang paggamit sa mga civilian vessels alang sa militar nga suplay ug specialized beach landing equipment, nga nagpakita sa mas agresibong depensa ug preparasyon sa China.
Tungod sa nagkadako nga hulga, ang Taiwan nagpatuman usab sa mga lakang aron mapalig-on ang ilang seguridad ug depensa.
Giplano sa nasud nga i-pataas ngadto sa 5% sa GDP ang pondo sa depensa pagkahuman sa 2030 aron andam nga makadepensa sa bisan unsang hulga.
Ang kalihokan sa China nagpamatuod matud pa sa padayon nga tensiyon sa rehiyon, nga mahimong makaapekto sa kalinaw ug seguridad dili lamang sa Taiwan kondili sa tibuok Asya.
Gitan-aw usab kini sa mga eksperto nga usa ka dako nga geopolitical development nga posibleng maghatag og problema sa ubang mga nasud kaalyado sa Taiwan.
Photo courtesy to:Youtube
