Gipahibalo sa mga kapulisan sa United Kingdom nga ang suspek nga miatake sa Heaton Park Hebrew Congregation Synagogue sa Manchester nakig-alyansa sa teroristang grupo nga ISIS. Ang maong pag-atake nagresulta sa pagkamatay sa duha ka tawo samtang kadaghanan ang samaran.
Sumala sa United Kingdom counterterror police, giangkon sa suspek nga si Jihad al-Shamie nga siya mismo ang nagtawag sa emergency service ug mideklara nga siya gimanduan sa ISIS sa pagpatuman sa maong pag-atake.
Nagpadayon ang imbestigasyon sa mga otoridad aron masuta ang tinuod nga motibo ug kung adunay uban pang nalambigit sa maong insidente.
Ang 35-anyos nga British citizen nga taga-Syria nga si Jihad al-Shamie mitawag sa emergency hotline pagkahuman niyang magamit ang sakyanan aron dumbolon ang duot nga katawhan ug manaksak sa Heaton Park Hebrew Congregation Synagogue sa Manchester niadtong Oktubre 2.
Sa insidente, duha ang namatay samtang usa sa mga biktima, si Adrian Daulby, 53 anyos, aksidenteng naigo sa bala sa pulis sa dihang nahitabo ang engkwentro.
Nagpadayon ang imbestigasyon sa mga otoridad aron masuta kung adunay uban pa nga kagrupo nga nalambigit sa maong pag-atake. Gipaabot ang dugang kasayuran gikan sa mga kapulisan ug counterterror units sa United Kingdom.
Photo courtesy to: The times of Israel
