Patong-patong ang kaso sa nasikop nga magtiayon nga Most Wanted Persons Regional Level sa rehiyon sa CARAGA sa gihimong OPLAN PAGTUGIS sa Criminal Investigation and Detection Group (CIDG) Surigao del Norte Provincial Field Unit, kauban ang Intelligence Group ug mga PNP sa Claver, Surigao del Norte, dili pa lang dugay.
Naila ang mga suspek nga si alyas “Ben” ug “Raquel”, residente sa Purok 3, Barangay Cagdianao, Claver, Surigao del Norte, ug mga miyembro sa New People’s Army (NPA) ubos sa Weakened Guerilla Front 30 (WGF 30).
Sumala sa report, si “Ben” ang giilang Number 2 Regional Most Wanted Person sa rehiyon tungod sa pito (7) ka Warrants of Arrest para sa mga kaso nga Murder, Frustrated Murder, Multiple Attempted Murder, paglapas sa Republic Act 9208 (Expanded Anti-Trafficking in Persons Act of 2012) as amended sa Republic Act 10364, ug paglapas sa International Humanitarian Law, Genocide, ug uban pang Crimes Against Humanity.
Si “Raquel” usab, giilang Number 3 Regional Most Wanted Person, tungod sa walo ka Warrants of Arrest alang sa Multiple Attempted Murder, Frustrated Murder, Slight Illegal Detention, Arson, ug paglapas sab sa RA 9208 as amended sa RA 10364, ug sa Republic Act 9851.
Sa ekslusibong pakighinabi sa Juander Radyo News Team kang PLTCOL DARWIN B GURA, Provincial Chief sa CIDG-Surigao del Norte ang namahayag sa mga kaso atubangon sa duha ka indibidwal.
Dako ang pasalamat ni PMGen Robert A. Morico II, Acting Director sa CIDG, sa tanang sakop sa CIDG Regional Field Unit 13 ug CIDG Surigao del Norte Provincial Field Unit sa ilang paningkamot nga masikop ang mga malapason sa balaod.
