Gikatahong labing menos 15 ka tawo ang namatay human maigo sa landslide ang usa ka bus sa estado sa Himachal Pradesh, nga nahimutang sa amihanang bahin sa India, kaniadtong, Martes Agosto 7, 2025.
Base sa gipagawas nga impormasyon sa mga awtoridad, ang bus nagbiyahe duol sa Bilaspur District sa tunga-tunga sa bungtod nga kalsada. Kalit nga mibundak ang dagkong mga bato ug debris sa bus human sa pipila ka adlaw nga walay hunong nga pag-ulan sa maong lugar.
Gibanabana nga anaa sa 20 ngadto sa 25 ka pasahero ang sakay sa bus atol sa insidente. Sa kinatibuk-an nga namatay, naglangkob kini sa siyam ka lalaki, upat ka babaye, ug duha ka bata, ug lain pang tulo ka bata usab ang naluwas ug nalanding sa balay tambalanan.
Padayon matod pa ang rescue operations sa uban pang missing nga mga pasahero nga gituohang nakabsan sa kinabuhi. Matod sa mga opisyal, padayon gihapon ang ulan sukad pa niadtong Lunes, hinungdan sa pagka-unstable ug pagdahili sa yuta sa mga bukiron nga dapit.
Kining maong insidente usa lang sa daghang kalamidad nga dala sa grabe nga pag-uwan ug landslide nga miigo sa South Asia karong tuiga, apil na ang Pakistan, Bangladesh, Nepal, ug Sri Lanka.
Gipasangil sa mga eksperto nga ang climate change maoy hinungdan sa mas kusog ug dili na regular nga monsoon rains nga nagdala sa daghang pagbaha ug landslide sa rehiyon.
Photo Courtesy to:AP News
