Giklaro sa panggamhanan sa Quezon City nga pormal na nilang gi-terminate niadto pang Septiyembre 19, ang upat ka mga proyekto nga may kalabotan sa mga construction firms sa Discayas, nga nalambigit sa isyu sa flood control project scandal.
Matod sa panggamhanan sa dakbayan, sa 1,300 ka mga proyektong imprastraktura sugod niadtong 2019, upat lang ang napadulong sa mga kompanya nga konektado sa Discaya.
Una nang nihimo dayon og review ang QC government human gibakwi sa Philippine Contractors Accreditation Board (PCAB) ang lisensya sa mga kompaniya nga konektado sa Discaya ug gikansela sa PS-DBM ang ilang membership sa Philippine Government
Electronic Procurement System (PhilGEPS) tungod sa kalapasan sa licensing ug procurement laws. Upat ka mga proyekto ang giila nga apektado, lakip ang multi-purpose building, drainage project sa Ermitaño Creek, ug Balingasa High-Rise Housing Phases 1A ug 2.
Giklaro sa lokal nga kagamhanan, nga wala kini gitagoan ug padayon nga nagpasiugda sa transparency ug saktong proseso sa bidding.
Gikondena usab sa lokal nga kagamhanan ang mga bakak nga pasangil ug gipasalig nga magpabiling matinud-anon sa paggamit sa pundo sa publiko alang sa QCitizens.
Photo Courtesy to: PNA
