Naggahin ang Department of Labor and Employment (DOLE) og P100 milyones nga hinabang alang sa mga trabahante nga naapektuhan sa magnitude 6.9 nga linog sa amihanang Sugbo.
Nagkanayon si Labor Secretary Bienvenido Estudillo Laguesma nga ang maong kantidad ihatag pinaagi sa Tulong Panghanapbuhay sa Ating Displaced/Disadvantaged Workers (TUPAD) program sa ahensya.
Matag benepisyaryo makadawat og P5,400 nga cash assistance human makompleto ang 10 ka adlaw nga cash-for work program diin suholan sila og P540 matag adlaw. Motabang ang mga trabahante sa TUPAD sa paglimpyo sa mga lugar gikan sa mga debris sa nagkadaiyang mga building tungod sa linog.
Ang profiling sa liboan ka mga trabahante sa Sugbo, sakop sa mga microbusiness owners sama sa mga vendors, padayon nga gihatagan og hinabang. Kahibaloang ang DOLE una nang nigahin og P12 milyones nga pundo.
Photo Courtesy to:Metro central
