Giawhag sa Department of Agriculture (DA) ang kongreso nga dugangan ang crop insurance subsidy aron mapanalipdan ang daghang mga mag-uuma kutob sa mahimo gikan sa pagkawala sa ani tungod sa grabe nga kahimtang sa panahon o outbreaks.
Ang DA nangayo og crop insurance subsidy nga P8 bilyones aron mahatagan og proteksyon ang 4.2 milyones ka mamumuo sa agrikultura sunod tuig, diin 2.2 milyones niini mga mag-uuma sa humay.
Matod ni Agriculture Secretary Francisco Tiu Laurel Jr., nga ang kasamtangang subsidy funding sa state-run Philippine Crop Insurance Corp. (PCIC) kay “simply indequate.”
Dugang pa sa opsiyal nga kinahanglang maseguro ang mas daghang mag-uuma sa realistiko nga lebel nga nagpakita sa tinuod nga gasto sa produksyon, ilabina nga ang pagbag-o sa klima ug ang pag-usab-usab sa merkado padayon nga nakaapekto sa sector.
Ang proposed budget para sa crop insurance halos doble sa gisugyot nga subsidy sa PCIC nga P4.5 bilyon ubos sa 2026 General Appropriations Act. Ang lebel sa subsidy nagpabilin nga wala mausab sukad sa 2022.
Gipasiugda sa labaw sa agrikultura nga ang pagpalapad sa insurance coverage usa ka estratehikong pamuhunan sa seguridad sa pagkaon sa nasud.
Sumala pa kini maghatag ug mas lig-on nga safety net alang sa gagmay nga mga mag-uuma, ilabina ang mga prodyuser sa humay nga nag-atubang sa nagkataas nga gasto sa input sa uma hilabi na ang nagkadaghang dili matag-an nga mga pattern sa panahon.
Kung moigo ang mga bagyo, hulaw, o epidemya sa peste, ang nakaseguro nga mga mag-uuma mahimong mas paspas nga maulian ug makabalik sa pagpananom. Kung wala kini, daghan ang mapugos mangutang o undangon ang pag-uma.
Usa ka attached corporation sa DA, ang PCIC gimanduan sa balaod sa paghatag og insurance protection sa mga mag-uuma ug mangingisda sa nasud batok sa mga kapildihan sa mga tanom gumikan sa natural nga kalamidad, peste ug mga sakit.
Sa pagkakaron, 2.3 milyones lang ka mag-uuma ang nakaseguro sa PCIC. Niini, 1.25 milyones ang mga mag uuma sa humay.
Niadtong 2024, giseguro sa state-run firm ang 4.21 ka milyon nga mag-uuma ug mangingisda sa tibuok nasud ug naghatag ug P141.56 ka bilyon nga kantidad sa insurance coverage.
Kaniadtong Hulyo, ang PCIC naglunsad og usa ka pioneering parametric insurance program aron mapadali ang pagbayad sa insurance alang sa mga mag-uuma sa humay.
Photo Courtesy to:Inquirer.net
