Gibulabog sa Los Angeles Lakers superstar nga si LeBron James ang kalibutan sa NBA human mi-post og mensahe sa social media diin iyang gihisgutan nga aduna siyay dakong desisyon nga himoon.
Tungod niini, nitumaw ang nagkadaiyang reaksyon ug espekulasyon gikan sa iyang mga fans, diin daghan ang nangutana kon mao na ba ni ang ulahing season sa NBA ni “King James”.
Kun asa ang maong post dunay kalabotan sa usa ka advertisement sa ilimnon nga iyang gi endorso. Sa iyang ika-20 nga tuig isip propesyonal nga magduduwa, si James ang unang atleta sa liga nga nakaabot niini nga gitas-on sa tuig sa pagdula.
Sa edad nga 40 anyos ug hapit na mag-41 karong Disyembre, dili layo nga hunahunaon nga mahimo siyang magretiro sa basketball. Apan, nagpabiling lig-on ang iyang performance alang sa Lakers, diin nag-average siya og 24.4 puntos, 8.2 assists, 7.8 rebounds, ug steal matag duwa.
Dugang pa, nitala siya og 51.3% shooting efficiency ug 37.6% gikan sa three-point line, pamatuod nga wala mohupas ang iyang kahanas sa court.
Photo Courtesy to:BBC
