Gisuspende sa Lithuania ang tanan nga air traffic sa Vilnius Airport human nga makita ang mga wala mailhing balon nga misulod sa ilang airspace. Sumala sa pamahayag sa Vilnius Airport, temporaryong gisirado ang airspace hangtod alas 2:45 sa kaadlawon sa milabay nga adlaw og gipangbalhin una sa kasikbit nga mga tugpahanan ang mga padulong nga biyahe.
Nagpabilin usab ang taas nga alerto sa seguridad sa tibuok Europa, labi na sa kahanginan, tungod sa sunod-sunod nga drone sightings sa mga paloparanan sa Copenhagen ug Munich kaniadtong miaging mga semana. Kaniadtong Agosto, nagpatuman ang Lithuania og 90-kilometro nga no-fly zone aron mapugngan ang pagsulod sa mga langyaw nga sakyanan sa kahanginan nga walay pagtugot.
Ang Lithuania nailhan nga tinud-anay nga kaalyado sa Ukraine ug adunay 679-kilometro nga utlanan sa Belarus, nga usa usab sa mga suod nga kaalyado sa nasud Russia.
Photo Courtesy to: The Economic times
