Gikonsiderar karon ni Senate President Pro Tempore Panfilo Lacson nga moluwat siya sa iyang pwesto isip chairman sa Senate Blue Ribbon Committee nga nagtutok sa mga maanomalya nga flood control projects sa nasud. Matod pa kini tungod sa giingon nga ‘dissatisfaction’ nga iyang nadawat gikan sa uban niyang mga kauban nga senador.
Dugang ni Lacson, kung mas daghan sa mga senador ang walay salig ug wala malipay sa iyang trabaho isip chairman sa komite, gipaklaro nga mas maayo na lang nga mokanaug siya isip chairman sa maong komite.
Iyang gipaklaro nga ang mga komento nga iyang nadungog gikan sa iyang kaubanang senador ,mao ang nagtuklod kaniya aron magpasa sa iyang resignation isip chairperson sa Blue Ribbon Committee.
Kahinumduman nga niadtong Sabado gipahibalo ni Lacson nga temporayong ‘suspended until further notice’ ang Blue Ribbon Committee tungod kay adunay mga dokumento nga wala pa mahuman alang sa sunod nga hearing.
Photo courtesy to: PNA
