Dismayado ang pipila ka magbabalaod sa wala pagtunga ni Bise Presidente Sara Duterte sa budget deliberation sa Office of the Vice President sa Kamara.
Si ML Party-list Rep. Leila de Lima maoy unang nipadayag sa iyang pagkadismaya. Nagtuo ang magbabalaod nga ang dili pag-tungha sa Bise Presidente sa budget deliberation sa iyang buhatan usa ka walay pagtahod sa Kamara ug sa konstitusyon.
Nipasalig ang magbabalaod, nga moduso siya og mosyon nga pakunhuran ang proposed budget sa OVP imbes nga i-advance ang zero budget sa OVP.
Matod niya, nga gikonsiderar sa OVP nga iduso una ang zero budget, apan gikonsiderar usab niini ang mga empleyado sa opisina.
Sumala pa ni ACT Teachers Partylist Rep. Antonio Tinio, nga ang lakang sa bise presidente klarong insulto sa katawhan, dili lang sa house ug sa konstitusyon.
Gitawag ni Caloocan 2nd District Rep. Edgar Erice ang sulat ni Bise Presidente Sara Duterte ngadto sa Kamara nga dili angay kung ang budget lang sa iyang opisina ang tutokan niini.
Nagtuo si Erice, nga ang mga magbabalaod sa ika-20 nga Kongreso matinguhaon sa pagpasar sa usa ka tukma ug transparent nga 2026 National Budget.
Sa pakigpulong ni Davao 3rd District Rep. Isidro Ungab, gipasiugda nga ang budget sa OVP nakasinati na og dakong pagkunhod sukad niadtong 2024 ug 2025.
Reaksyon kini sa magbabalaod sa plano sa pipila niya ka kauban nga moduso og mosyon sa pagpaminus sa pundo sa maong buhatan.
Photo Courtesy to:Senate of the Philippines
