Dili tanan hero nagsulb-og pula nga kapa, sama niining usa ka 53 anyos ug homeless nga lalaki, human misulod sa nasunog nga W-Underdogs animal shelter sa Atlanta aron luwason ang mga hayop sa sulod.
Si Walker, kinsa anaa unta didto aron kuhaon ang iyang kaugalingong iro nga si Bravo, misulod sa nasunog nga shelter aron luwason ang mga binuhing hayop.
Milampos siya sa pagluwas og 10 ka iring ug unom (6) ka iro sa wala pa makaabot ang mga bombero. Sa kinatibuk-an, 16 ka hayop ang iyang naluwas. Gidayeg siya sa mga katawhan ug giila nga usa ka guardian angel tungod sa iyang talagsaong kaisog ug kabuotan.
Tungod sa insidente, nag-viral ang istorya ni Walker ug daghan ang nagpakita og suporta kaniya. Ang iyang selfless nga buhat nagpakita sa tinuod nga adunay espiritu sa pagpakabana, bisan pa sa iyang kaugalingong kahimtang.
Samtang, ang mga hayop nga iyang giluwas gi-relocate na sa bag-ong shelter nga mas luwas ug angay alang sa ilang padayon nga pag-atiman ug rehabilitasyon.
Photo Courtesy to:Watercooler
