Posibleng iapil sa Department of Energy (DOE) ang nuclear energy sa ilang de-risking initiative nga kasamtangang nakatutok sa geothermal energy, human pirmahan sa administrasyong Marcos ang Philippine Nuclear Energy Safety Act o PhilATOM Law.
Sumala ni DOE Energy Utilization Management Bureau Director Patrick Aquino, adunay posibilidad nga suportahan sa mga multilateral banks sama sa World Bank ug Asian Development Bank ang mga proyektong nuclear, hilabi na kay una na kining gidasig sa administrasyong Biden sa U.S.
Matod pa ni Aquino, nabati na usab ang interes sa mga langyaw nga mamuhunan sa nuclear energy sa nasud.
Giklaro na usab sa DOE ang posibilidad nga magpatuman og lahi nga auction alang sa nuclear energy ilawom sa Green Energy Auction Program, kon mahan-ay na ang legal nga basihanan niini.
Dungan niini, gitabangan usab sa International Atomic Energy Agency (IAEA) ang Pilipinas sa pag-ayo sa 19 ka importanteng isyu sa imprastruktura sa wala pa pormal nga mapatuman ang paggamit sa nuclear energy sa nasud.
Photo Courtesy to:Manila Standard
