Gipahimangnoan ni US President Donald Trump ang mga empleyado sa gobyerno nga mosuporta sa Democrats samtang nagpadayon ang government shutdown. Matod sa Presidente sa US, ang mga Democrat Senators maoy responsable sa shutdown busa importante nga magpatuman og dakong pagpangtangtang sa mga tawo.
Gidepensahan ni White House press secretary Karoline Leavitt ang pamahayag ni Trump diin aduna kini gahum aron magpamenos sa federal workforce nga makahatag og dakong pagdaginot sa gobyerno.
Wala nagkauyon ang Democrats ug Republicans sa spending bill diin gihunong sa Democrats ang gisugyot ni Trump nga Affordable Care Act, nga kung maaprobahan kini, mawala dayon ang healthcare coverage sa 20 milyones ka tawo.
Kahibaloang sa matag higayon nga adunay government shutdown, temporaryong gipahunong sa federal agencies ang tanang non-essential services. Nasayran nga mga 25 porsyento sa federal workforce ang apektado sa shutdown tungod kay dili sila mabayran.
Samtang ang mga essential workers sama sa kapulisan, ambulance workers ug air traffic controllers, magpadayon gihapon sa trabaho apan dili usab sila makadawat og sweldo. Makadawat lamang sila og back pay kung magkauyon na ang duha ka partido sa kongreso.
Photo Courtesy to:BBC
