Posibleng ipasumite sa mga opisyal sa Commission on Audit o COA ang disclosure sa ilang negosyo ug interes pinansyal. Kini ang gisulti ni COA budget sponsor, Congressman John Tracy Cagas.
Gisugyot kini ni Akbayan Representative Chel Diokno atol sa budget deliberation. Matod niya, mas maayo nga magsugod ang transparency sa COA mismo aron malikayan ang conflict of interest.
Karon, ang COA nagasalig lang sa SALN o Statement of Assets, Liabilities and Net Worth, nga obligadong ipasa sa tanan nga public officials matag tuig. Apan, ang SALN dili detalyado sa tanang klase sa negosyo o pinansyal nga interes nga posibleng makaresulta og conflict of interest.
Nahinumdoman nga gi-question kaniadto si COA Commissioner Mario Lipana tungod sa kontratang nakuha sa iyang asawa nga nagkantidad og milyon-milyon alang sa flood control projects.
Photo Courtesy to:Assistance.ph
