Tulo ka estudyante ang namatay human nahugno ang usa ka building sa Islamic boarding school sa East Java province sa Indonesia. Matod ni Mohammad Syafii National Search and Rescue Agency sa maong nasud, daghan pa ang missing samtang nagpadayon ang search and rescue operations sa lugar.
Gibanabana nga 40 ka mga tawo ang natanggong sulod sa nahugno nga estraktura. Bisan pa sa trahedya, 11 ka mga tawo ang malampusong naluwas samtang 91 pa ang daling gipabakwit sa wala pa nahugno ang building.
Gilayon nga gidala usab sa pinakaduol nga ospital ang mga samaron para sa dinaliang pagtambal. Nagpadayon karon ang imbestigasyon aron masuta ang hinungdan sa pagkahugno sa maong edipisyo sanglit gilantaw ang posibilidad nga tungod sa depekto nga istruktura, natural nga katalagman, o gipasagdan nga pagmentinar sa pasilidad.
Padayon nga nanawagan ang mga awtoridad sa publiko nga likayan ang pagduol sa lugar samtang nagpahigayon og operasyon ang mga rescuer.
via: LIGA.NET
