Gidala sa balay tambalanan si Kingdom of Jesus Christ (KOJC) Pastor Apollo Quiboloy, human nakasinati og kalisod sa pagginhawa.
Matod sa pamahayag ni Bureau of Jail Management and Penology (BJMP) Spokesperson JSUPT. Jayrex Bustinera, daling niresponde ang ilang mga personahe sa kahimtang ni Quiboloy ilabi na nga aduna na kini mga sakit.
Si Quiboloy anaa karon sa kustodiya sa BJMP, kalabot sa mga kaso nga gipasaka batok kaniya lakip na ang human trafficking ug sexual abuse.
Gipasalig sa BJMP, nga padayong gibantayan ang iyang kahimtang aron masiguro ang kaluwasan ug kahimsog sa pastor samtang ubos sa pag-atiman sa gobyerno.
Gitataw ni Bustinera, nga walay special treatment nga gihatag ngadto kang Quiboloy sulod sa pasilidad, ug ang tanang mga lakang nahisubay sa standard medical protocols sa BJMP.
Kahinumduman nga unang nadala sa tambalanan si Quiboloy pipila na ka buwan ang nakalabay tungod sa giingong mga sakit.
Photo Courtesy to:NPR
