Nabati na sa Kidapawan City ang espirito sa pasko bisan pipila pa ka adlaw ang nahabilin adesir ang Pasko. Sa Barangay Avenue, nakasab-it na ang mga puti nga parol. Lakip usab sa mga bintana sa City Hall nga adunay mga dekorasyon.
Kini nga pagpangandam alang sa engrandeng Festival of Lights karong Disyembre, diin ang mga dalan ug atubangan mismo sa City Hall nagsiga-siga sa kahayag sa makabulokon nga mga Christmas lights.
Bisan pa man sayo pa, nagpahinumdom na si City Mayor Pao Evangelista nga ang tinuod nga espirito sa Pasko mao ang gugma ug pagsinabtanay.
Busa sa flag raising ceremony niadtong September 29, 2025, gihangyo niini ang iyang mga kauban nga konsehal nga ipakita ang gugma sa ilang trabaho ug sa mga kliyente sa ilang buhatan.
Sukad gipasiugdahan sa Lokal nga Panggamhanan sa Kidapawan ang Festival of Lights, liboan ka mga bisita gikan sa nagkadaiyang lungsod sa Cotabato ug lakip na sa mga kasikbit nga probinsya ang mubisita sa dakbayan, labi na gyud kung gabii.
Mas makita matud pa ang kahayag ug katahom sa mga nagsiga nga parol ug Christmas lights nga paborito nga background sa social media ug Instagram post.
Apan labaw pa sa maanindot nga mga dekorasyong pampasko, ang tinuod nga espiritu niini mao ang paghinatagay, paghigugmaay, kalinaw, ug ang pagtuo sa Diyos nga Magbubuhat sa tibuok kalibutan.
Photo Courtesy to:City Government of Kidapawan
