Gihukman sa kamatayon ang kanhi Agricultural Minister sa China, nga si Tang Renjian, tungod sa kaso sa korapsyon. Ang desisyon gipagawas sa People’s Court sa Changchun, Jilin Province sa amihanang-sidlakang bahin sa China.
Matod pa sa korte, nakadawat si Tang og mga suhol nga kuwarta ug kabtangan nga mokabat og kapin sa 268 milyones yuan o sobra sa $38 milyones sukad pa niadtong tuig 2007 hangtod 2024.
Giklaro sa korte nga ang maong pagpanuhol ni Tang, miresulta og dakong kadaot sa interes sa estado ug sa katawhan, hinungdan nga angayan kining silotan.
Sa pikas bahin, miangkon usab si Tang sa iyang sala ug nagpahayag sa iyang pagbasol atubangan sa korte. Kining silot nga kamatayon mao ang labing bag-ong lakang sa hugot nga kampanya ni Chinese President Xi Jinping batok sa korapsyon.
Samtang, kini nga panghitabo nakapukaw na sa daghang mga opisyal nga aduna’y hataas nga posisyon sa gobyerno sa China.
Photo Courtesy to:PNA
