Gisusi karon sa Commission on Elections (COMELEC) ang giingong illegal campaign donations gikan sa 55 ka mga contractor nga nisalmot sa 2022 national elections.
Sumala ni COMELEC Chairman George Garcia, ang Department of Public Works and Highways (DPWH) nangayo og kompirmasyon sa COMELEC’s Political and Finance Affairs Department labot sa mga taho nga dunay mga kontraktor nga mihatag og campaign donations, sukwahi sa kasamtangang balaod ug regulasyon sa kontribusyon sa eleksyon.
Tulo ka mga kontraktor ang giila nga adunay relasyon sa mga kandidato nga modagan sa mga posisyon nga mas taas kaysa senador, ingon ni Garcia. Wala pa hinganli sa COMELEC ang mga kandidato samtang nagpadayon ang imbestigasyon.
Ang COMELEC niinsistir nga naghimo kini og kaugalingong imbestigasyon ug wala magsalig lang sa mga pagdungog sa Senado o sa findings sa Independent Commission for Infrastructure (ICI).
Kabahin sa imbestigasyon, nitambong ang representante ni Lawrence Lubiano, presidente sa Centerways Construction and Development Inc., aron pagpasabot sa giingong campaign donation sa ilang kompanya ngadto kang Senador Francis “Chiz” Escudero sa 2022 elections.
Gikumpirma usab sa COMELEC nga ipatawag si Senador Escudero sa umaabot nga mga adlaw aron maklaro ang isyu. Wala pay pamahayag ang kampo sa senador labot sa maong alegasyon.
via: BW
