Miapelar si Senator Ronald “Bato” dela Rosa sa Senado nga aksyunan na ang resolusyong giduso sa Duterte Bloc nga naga-awhag nga suportahan ang pagpa-house arrest kang kanhing Pangulong Rodrigo Duterte sa The Hague, The Netherlands. Kini human sa gihimong welfare check sa mga sakop sa Philippine Embassy didto sa The Hague.
Sa privilege speech ni Dela Rosa nahimong emosyonal ug halos mohilak ang senador dihang gikwestyon ang gihimong welfare check kang Duterte nga gisurender sa gobyerno ug gipakustudiya sa International Criminal Court (ICC).
Sumala pa, paunsa malauman ang usa ka lawful welfare check nga wala man nasunod kaniadto sa legal procedure dihang gisurender si kanhing Presidenti Duterte. Naglaom si Dela Rosa nga sa Lunes maaprobahan ang maong resolusyon hilabina nga nagpadayag na usab ug suporta ang mga myembro sa majority bloc.
Una nang giakusahan ni Vice Presidente Sara Duterte si Presidente Ferdinand Marcos Jr. ug ang kasamtangang administrasyon nga nagbutang sa peligro sa kinabuhi sa iyang amahan nga si kanhi Presidente Rodrigo Duterte, didto sa ICC detention facility sa The Hague, Netherlands sa maong gihimong welfare check sa Philippine Embassy nga wala gipahibalo sa ilang mga pamilya
Siya miingon nga ang embahada klaro nga nakalapas sa mga panudlo sa yunit sa detensyon sa mga pagbisita sa consular, pinaagi sa pagbisita nga wala’y pahibalo ug pagtugot gikan sa mga pamilya.
Photo Courtesy: BATO dela Rosa FB
