Nisamot pa kakusog ang Bagyong Opong samtang padayon kini sa paglihok sa Philippine Sea. Sumala sa state weather bureau, ang sentro sa bagyo anaa sa gilay-on nga 670 kilometro sa sidlakan sa Surigao City, Surigao del Norte.
Nagdala kini og kusog nga hangin nga 95 km/h ug ang pagpuswak nga moabot sa 115 km/h. Nagalihok kini paingon sa kasadpan-habagatang amihan sa tulin nga 20 km/h, ug ang kakusog sa hangin niini mokabat hangtod 450 km gikan sa sentro.
Tungod niini, nitaas na ang Tropical Cyclone Wind Signal No. 2 sa Northern Samar ug sa amihanang bahin sa Eastern Samar (San Policarpo, Oras, Jipapad, Arteche).
Samtang anaa sa Signal No. 1 ang Catanduanes, Camarines Sur, Albay, Sorsogon, Masbate; Samar, nahibilin nga bahin sa Eastern Samar, Biliran, ug amihanang bahin sa Leyte (Barugo, San Miguel, Babatngon, Tacloban City, Calubian, Leyte, Capoocan, Carigara, Palo).
Gilauman ang kusog nga mga pag-ulan, hangin, ug storm surge sa mga baybayon sa mosunod nga mga adlaw.
Posibleng molanding si Opong sa Bicol Region karong Biyernes, Setyembre 26, sa dili pa motabok sa Southern Luzon.
Gipasidaan ang publiko nga magpabilin nga alerto ug mosunod sa mga pahimangno sa lokal nga gobyerno alang sa kaluwasan.
Photo courtesy: News-Inquirer.net
