Nahimong usa na ka tropical depression ang low pressure area (LPA) nga gimonitor sa gawas sa Philippine Area of Responsibility (PAR), sumala sa Philippine Atmospheric, Geophysical and Astronomical Services Administration (PAGASA).
Base sa pinakabag-ong impormasyon sa state weather bureau, ang tropical depression namataan sa gilay-on nga mga 2,905 kilometro sa sidlakan sa habagatan-sidlakang bahin sa Mindanao.
Matud sa PAGASA, gamay lamang ang posibilidad nga mosulod kini sa PAR ug wala gilauman nga makaapekto sa kahimtang sa panahon sa bisan unsang bahin sa Pilipinas. Posible usab nga kini mohuyang ug malusaw sa kadagatan.
Samtang, nagpadayon gihapon ang epekto sa habagat o southwest monsoon nga maoy hinungdan sa panagsang pag-ulan ug thunderstorms ilabi na sa Extreme Northern Luzon.
Sa ubang bahin sa nasud, lakip na ang kadaghanang lugar sa Mindanao ug Visayas, gilauman ang mainit ug maalinsangang panahon, ilabi na sa hapon ug gabii, uban sa posibilidad sa localized thunderstorms.
Photo Courtesy: PAGASA.DOST.GOV.PH
