Nangandam na ang probinsya sa Cotabato alang sa pagpatuman sa SMART-ER SOCCSKSARGEN Project pinaagi sa usa ka koordinasyon nga miting sa OPPDC sa Amas, Kidapawan City uban sa mga hingtungdan nga opisina. Ang maong programa, nagtumong sa paghimo og sentralisadong online data system alang sa probinsya.
Ang SMART-ER SOCCSKSARGEN, usa ka inisyatibo sa DOST ug UP aron mapalambo ang pagdumala sa datos sa lalawigan. Panahon sa miting, gipresentar sa UP ang mga bag-ong bahin sa sistema nga gamiton sa pagtipig ug pagproseso sa impormasyon.
Gibatbat sa Provincial Technical Working Group ang pagkamahinungdanon sa tukma ug kasaligan nga datos, uban sa pagpanalipod sa pribadong impormasyon. Gisuportahan usab sa administrasyon ni Gobernador Emmylou Taliño-Mendoza ang programa pinaagi sa Executive Order No. 82, Series of 2025.
Photo Courtesy: Provincial Government of Cotabato
