Patay ang usa ka indibidwal samtang duha pa ang padayon nga gipangita human malunod ang usa ka bangka sa San Francisco Bay sa Estados Unidos. Gilunsad dayon sa mga awtoridad ang dako nga search and rescue operation sa dapit duol sa Alcatraz Island.
Base sa inisyal nga imbestigasyon, nasunog una ang bangka sa wala pa kini hingpit nga nalunod samtang naglawig tali sa Alcatraz Island ug Golden Gate Bridge. Sumala sa San Francisco Fire Department, adunay 19 ka tawo ang sakay sa maong bangka sa dihang nahitabo ang insidente.
Padayon pa ang search and rescue operations sa mga awtoridad samtang gisusi usab ang tinuod nga hinungdan sa maong aksidente.
Photo Courtesy: KTVU
