Gipahibalo sa PAGASA nga alas 3:00 karong buntag, ang sentro sa Tropical Storm “BASYANG” anaa sa 460 kilometros sidlakan sa Hinatuan, Surigao del Sur nga adunay kusog nga hangin nga 65 kph ug pagbugso nga moabot sa 80 kph, ug naglihok paingon sa west-southwest sa gikusgon nga 15 kph.
Ang Davao Oriental makasinati og bagyohon nga panahon samtang ang ubang bahin sa Davao Region makabatyag og ulan ug kusog nga hangin tungod sa epekto sa bagyo. Gipasidan-an ang publiko sa posibleng pagbaha ug pagdahili sa yuta ilabina sa mga lugar nga dali maapektuhan.
Kasarangan hangtod kusog nga hangin gikan sa amihanang-sidlakan paingon sa amihanang-kasadpan ang masinati, samtang ang kadagatan gilauman nga mahimong kasarangan hangtod baluron nga moabot sa 2.8 hangtod 4.0 metros ang balod.
Photo Courtesy: PAGASA-DAVAO
