Nadiskobrehan sa mga siyentista sa University of Tokyo ang tradisyonal nga pagsulat sa papel mas maayo gihapon, kay sa mga laptop, tablet, ug smartphone nga gigamit sa eskwelahan ug trabaho.
Sumala sa euroscientist nga si Prof. Kuniyoshi L. Sakai, ang kalihokan sa utok mas kusog ug ang impormasyon mas dali nga mahinumduman kung kini gisulat sa pisikal nga papel kumpara sa mga digital device.
Sa ilang eksperimento sa 48 ka boluntaryo, nahibal-an nga kadtong migamit og papel ug ballpen nahuman og 25% nga mas paspas kaysa migamit og gadget. Dugang pa, pinaagi sa MRI scans, nakit-an ang hippocampus (bahin sa utok nga responsable sa memorya ug nabigasyon) sa mga migamit og ballpoint pen ug papel mas aktibo.
Gipasabot sa mga eksperto nga ang papel naghatag og “spatial details” sama sa texture, paper folds, ug irregular strokes nga nagsilbing trigger para sa utok nga mas dali nga mahinumduman ang impormasyon.
Sa kasukwahi, ang mga digital screen sobra ka uniporme ug mawad-an og spatial permanence kung mag-scroll o magsira sa app. Mao kini ang hinungdan nganong gitambagan sa mga tigdukiduki ang paggamit og notebook kon magtuon o mag takenote.
Photo Courtesy: ystudio
