Gi-aresto ang usa ka 90-anyos nga beterano sa World War II, samtang nag-apod-apod og pagkaon sa mga tawong walay puy-anan, usa ka panghitabo nga nakapukaw sa atensyon sa tibuok kalibutan.
Si Arnold Abbott, usa ka chef sa tibuok niyang kinabuhi, gidala sa presinto tungod sa paglapas sa bag-ong ordinansa sa Fort Lauderdale nga nagkinahanglan og permit para sa pagpakaon sa mga tawo sa publiko.
Bisan pa sa hulga nga dakpon siya, padayon nga gihimo ni Abbott ang iyang misyon nga paghatag og pagkaon, nga iyang giingon nga usa ka moral nga obligasyon.
Sulod sa usa ka semana, kaduha na siya gi-aresto samtang nag-apod-apod og mga init nga pagkaon sa mga nanginahanglan.
Kining insidente nakapukaw og kasuko ug suporta gikan sa mga tawo sa tibuok kalibutan, diin daghan ang nagpakita sa ilang pagkadismaya ug nagkuwestiyon sa balaod nga giisip nilang pagka kriminal sa kalooy.
Si Abbott nailhan na nga dugay nang nagtabang sa komunidad pinaagi sa paghatag og pagkaon. Ang iyang kaso karon nahimong simbolo sa panagbangi tali sa balaod ug sa tawhanong obligasyon sa pagtabang sa nanginahanglan.
Photo courtesy to:Watercooler
