Gipahibalo sa National Electrification Administration (NEA) nga 32 ka electric cooperatives sa unom ka rehiyon ang naapektuhan tungod sa Super Typhoon Nando ug kusog nga habagat, base sa report niadtong Septiyembre 23, 2025.
Tulo ka kooperatiba ang nakasinati og kinatibuk-ang pagkawala sa kuryente, lakip ang ABRECO, BATANELCO, ug INEC, samtang walo pa ang nakasinati og partial brownout, lakip ang BATELEC II, BENECO, CAGELCO I & II, IFELCO, ISECO, LUELCO, ug MOPRECO.
Samtang, nagpabilin nga normal ang operasyon sa 21 pa ka kooperatiba. Gibanabana nga miabot na sa P2.19 milyon ang inisyal nga kadaot sa imprastruktura, base sa ulat sa BENECO.
Ang naapektuhang rehiyon naglakip sa CAR, Ilocos Region, Cagayan Valley, Central Luzon, CALABARZON, ug MIMAROPA, nga naglangkob sa tibuok 22 ka probinsya.
Photo courtesy to:Power Philippines
