Gi-awhag ni Dr. Rachel Dilla, City Health Office Manager, nga muduol lamang sa mga health centers aron makapangayo og tambal ug dili magkompyansa kung makasinati sa pagsakit sa tiyan labi na kung adunay pagkalibanga ug pagsuka, apan kung makasinati na og pagkaluya diretso na sa mga dagkong ospital aron madapatan og saktong tambal.
Kini nga pag-awhag alayon na sa natalang kapin sinto baynte ka kaso sa suka kalibang sa dakbayan ug sagad niini mga outpatients. Dugang pa nga dili magpabaya ug perming mag-inom og tubig aron nga mahulipan ang nalawa nga tubig ug nutrients sa kalawasan. Dili magpataka og inom lakip na pagkaon sa bisan asang lugar ug perming ipatuman ang proper food and water safety practices.
Samtang, taliwala sa kapin gatus nga kaso, dili pa kini mahimunong sumbahan diha sa pagdeklara og outbreak sa nahisgutang sakit nga nasinati sa mga katawhan sa dakbayan.
Ning kasamtangang naghimo na sab og lakang ang ang City Health Office, katambayayong ang uban pang buhatan aron nga matino ug mapunting ang ugat hinungdan sa daghang kaso sa suka kalibang sa syudad.
Gani, gibutyag ni Dr Dilla nga gihulatan nalang nila ang resulta sa ilahang gipadala nga water sample ngadto sa Department of Health lakip na nga nagpadala sila og stool sample sa mga pasyente ngadto sa Research Institute for Tropical Medicine kon RITM.
Gi-activate na sa CHO ang ilahang Incident Command System kaniadtong lunes aron nga maimbestigahan ug masulbad kining kaso sa suka kalibang.
Photo courtesy: City Health Office
