Gilauman nga magpabilin sulod sa 2 hangtod 4 porsyentong target sa Bangko Sentral ng Pilipinas (BSP) ang inflation sa Pilipinas sa medium term, nga nagapadayon sa mga gilauman nga posibleng adunay laing pag-ubos sa interest rate sa 2026 aron tabangan ang ekonomiya nga posible’ng dili makab-ot ang tumong sa pagtubo nga gitakda sa gobyerno.
Sa ilang Monetary Policy Report niadtong Agosto 2025, gisaysay sa central bank nga adunay mga hulga sa ekonomiya: ang pagsaka sa presyo sa kuryente ug mga estadistikal nga kalainan tungod sa ubos nga presyo sa pagkaon niadtong miaging tuig mahimong makapaduso sa inflation sa sunod tuig.
Bisan pa man niini, giingon sa mga opisyal sa BSP nga magpabilin nga kontrolado ug dili kaayo mosaka ang presyo sa mga konsumidor. Samtang ilang gipunting usab ang kalamboan sa ilang mga forecast tungod sa maayo ang ilang mga modelo sa pagtan-aw sa ekonomiya.
Pagsugod sa 2027, gilauman sa BSP nga maghinay-hinay na og kalig-on ang merkado sa kalibotan sa mga paliton ug maminusan ang mga puwersa sa pagsaka sa presyo, bisan pa man magpabiling taas gamay ang pagtubo sa presyo kaysa sa tunga-tunga sa ilang target.
Sa pinakabag-ong survey sa mga external nga ekonomista, gipahibalo sa BSP nga ang average nga forecast sa inflation para sa 2025 kay 1.7 porsyento, gamay nga ubos kumpara sa una nga estimate nga 1.9 porsyento. Ang gilauman para sa 2026 mikunhod usab ngadto sa 2.8 porsyento gikan sa 3 porsyento, samtang ang panan-aw para sa 2027 nagpabilin nga 3 porsyento.
Photo courtesy to: Rappler
