Gituohang gilungkab sa usa ka wala mailang suspetsado ang usa ka Vendo Machine sulod sa us aka parmasya nga nahimutang sa may Rizal Avenue, Barangay Lumbia, Pagadian City, adlaw’ng lunes, Septyembre 23, 2025.
Basi sa kuha sa CCTV, usa ka wa mailang suspetsado ang pugsanon nga misulod sa maong parmasya pinaagi sa pagputol sa steel grills luyo sa water tank ug pagguba sa bintana sa Comfort Room.
Pugsanon nga gi-ablihan sa suspetsado ang Pay N’ Go Vendo machine hinungdan nakuha ang mga salapi sa wa pa matino nga kantidad diin wala ray gikareport nga may nawala nga laing mga butang sulod sa maong establisiemento.
Sa karon naglusad na ang Pagadian City Police Station ug follow-up investigation aron maila ug madakpan ang suspetsado nga nangawat.
Samtang gipahinumduman sa kapulisan ang tanang mga business owners sa pagpalig-on sa seguridad sa mga establishmento pinaagi sa pagbutang ug mga surveillance cameras, alarm systems, ug koordinasyon sa kapulisan.
Photo for illustration credits to:Davao Today
