Base sa datos sa PAGASA, ang Low Pressure Area (LPA 09c) nga anaa gihapon sulod sa Philippine Area of Responsibility (PAR) adunay ubos nga posibilidad nga mahimong tropical depression sulod sa 24 ka oras. Samtang ang laing LPA (09d) nga anaa sulod sa PAR adunay average ang posibilidad nga mahimong tropical depression sulod sa sunod nga 24 ka oras.
Sa Bicol Region, Central Visayas, Eastern Visayas, Aurora, Quezon, Rizal, Bulacan, Nueva Ecija, Quirino, ug Nueva Vizcaya, gilaumang makasinati sa dag-om nga kalangitan uban sa katag-katag nga pag-ulan ug kilat tungod sa LPA.
Ang Metro Manila, MIMAROPA, nahibilin nga parte sa Central Luzon, nahibilin nga parte sa CALABARZON, ug ubang bahin sa Visayas makasinati usab og dag-om nga kalangitan uban sa katag-katag nga pag-ulan ug kilat nga dala sa LPA.
Sa Cagayan Valley gilauman ang dag-om nga kalangitan uban sa pag-ulan ug kilat tungod sa Easterlies. Samtang ang Zamboanga Peninsula, Northern Mindanao, BARMM, ug SOCCSKSARGEN makasinati og sama nga kahimtang tungod sa Southwest Monsoon.
Photo courtesy: DOST-PAGASA
