Halos mo-surrender ang Kapuso actor nga si Alden Richards sa iyang ultimate biking experience sa Italy human siya mosaka sa Passo dello Stelvio, ang labing taas nga car pass sa nasod ug ikaduhang pinakataas sa tibuok Europa.
Aminado siya nga grabe ang kalisod sa 31 kilometros nga puro sakaon nga adunay gradient nga gikan 4% hangtod 16% nga halos dili na makaya sa iyang kusog.
Matod pa ni Alden, halos dili na makaya sa iyang baga, nag-collapse ang iyang mga bitiis ug naglibog na ang iyang hunahuna samtang nagsaka. Apan nakapadayon siya kay iyang gihinumdoman nga nasugdan na niya ang maong journey ug kinahanglan niya kining humanon bisan unsa pa ang sakit ug kapoy.
Gipanghambog sab sa Kapuso actor nga mao kini ang lugar diin naga-train ang mga pro cyclists sama ni Tadej Pogačar, usa sa labing maayong batan-ong siklista sa kalibutan. Giingon niya nga dako kaayong leksyon ang iyang nakat-unan ug iyang gisaad nga mobalik siya sa Stelvio nga mas andam ug mas kusgan.
Samtang wala niya gi reveal kung kinsa ang iyang kauban sa maong biyahe.
Photo courtesy: Philstar
