Nabulabog, nakurat ug nagbangutan ang mga construction workers sa gihimo nga building sulod sa Macabalan Elementary School ning syudad sa Cagayan de Oro sa dihang madiskobrihan ang wala nay kinabuhi nga ilang kaubanan pasado alas 6 kagahapon sa buntag, Septiyembre 12, 2025.
Giila ang namatay nga si John mark Sabo, 21 anyos, taga Malaybalay City Bukidnon ug usa ka watchman sa gihimo nga school building. Matud pa ni Jonrel Alcoy, ang kauban niini nga naka diskubre sa patay nga lawas nga gisulayan pa niya pag pukaw ang namatay apan wala na kini nag ginhawa ug nanggahi na.
Samtang dali nga ni padayogdog sa construction site ang supervisor sa proyekto gikan sa Holon Haus Construction and Development nga si Richard Abao ug gipasalig nga tubagon sa ilang kumpanya ang pagpalubong sa patayng lawas sa watchman.
