Nagwalk-out ang gatusan ka mga estudyante ug mga faculty members sa University of the Philippines (UP) Diliman gikan sa ilang mga classroom atol sa gilunsad nga “Black Friday” protest kagahapong adlawa Setyembre 12.
Kini pagpakita sa dakong pagsupak sa gikaingong korapsyon sa mga proyekto sa gobyerno ug sa bag-o lang nga pagputol sa budget sa edukasyon.
Ang mga estudyante nga nagsul-ob og itom nga mga T-shirt nagmartsa gawas sa ilang mga Classroom nga nagdalag mga placard nga adunay mga panawagan sama sa:
- “Pundohi ang mga academic spaces.”
- “Pondo sa tawo, dili sa trapo (Funds for the people, not for corrupt politicians).”
- “Ikulong ang angay ikulong, manubag ang angay manubag (Jail those who must be jailed, hold accountable those who must be held accountable).”
Ang mga demonstrador nagpundok sa campus aron manawagan alang sa accountability sa mga anomalya sa flood control project ug aron mangayo og mas taas nga budget alang sa mga state universities and colleges.
Giingon sa mga student leaders nga binilyon ka pesos ang nausik sa wala mahuman o dili regular nga mga proyekto sa imprastraktura, samtang ang mga eskwelahan ug unibersidad nagpadayon sa pagsagubang sa mga kakuwang sa mga classrooms, facilities, ug basic resources.
Ang mga faculty members ug uban pang mga miyembro sa UP community miapil usab sa protesta, nga nagpasiugda nga ang pagpamuhunan sa edukasyon kinahanglang unahon kaysa sa kuwestiyonableng mga proyekto.
Ang mga demonstrador misaad nga ipadayon ang ilang kampanya alang sa transparency ug accountability ug mosukol sa pagputol sa budget nga, sila mipasidaan, makadugang sa kabug-at sa mga estudyante ug makompromiso ang kalidad sa edukasyon sa nasud.
Photo courtesy: Tinig ng Plaridel
