Gipahayag sa Saudi Arabia kaniadtong Huwebes nga magsuplay sila sa Syria og 1.65 milyon ka baril sa krudo samtang naningkamot ang Damascus nga tukuron pagbalik ang ekonomiya ug imprastraktura sa nasud human sa halos 14 ka tuig nga civil war.
Mipirma og usa ka memorandum of understanding ang CEO sa Saudi Fund for Development nga si Sultan Al-Marshad, ug ang Minister of Energy sa Syria nga si Mohammad al-Bashir
Ang “grant sa Saudi nagtumong sa pagpalambo sa operasyon sa mga Syrian refineries” ug nagpakita sa “padayon nga paningkamot sa pagpalambo sa kahimtang sa pagpuyo sa katawhang Syrian.
Ang Syria kaniadto usa ka oil exporter nga makatubag sa kaugalingon niining panginahanglan sa enerhiya apan nag-atubang og pagkahugno sa ekonomiya tungod sa gubat ug mga sanction. Ang civil war nga mibuto niadtong 2011 mipatay sa halos tunga sa milyon ka tawo, mipalayas sa katunga sa pre-war nga populasyon sa nasud nga 23 milyon, ug miguba sa imprastraktura niini. Ang estrikto nga mga Western sanctions ang nakapasamot sa krisis.
Ang civil war natapos niadtong Disyembre sa pagkahugno sa kanhi Presidente Bashar Assad sa usa ka daling opensiba sa mga rebelde, ug sukad niadto, ang mga investor mibalik sa nasud lakip na sa sektor sa enerhiya. Sayo ning bulana, gipahibalo sa mga opisyal sa Syria nga ang nasud nakahimo na sa pag- export og 600,000 ka baril sa lana gikan sa coastal nga siyudad sa Tartous.
Apan, gamay ra ang nausab sa dapit. Ang mga Syrian nga walay kapasidad sa pagpalit og mga generator o solar panels pipila ka oras lang makatagamtam og elektrisidad matag adlaw.
Photo courtesy: Arab News
