Gikatakdang ipadayon sunod buwan ang PBA Season 50 diin ang mga lider nga si Willie Marcial isip Commissioner ug Ricky Vargas sa Talk ‘N Text isip Chairman sa PBA Board.
Ang duha nagpabilin sa ilang mga posisyon human sa piniliay nga gipahigayon sa pre-season board meeting nga gipahigayon sa Las Vegas, Nevada sukad niadtong Martes ug mahuman ugma, tukma sa panahon sa makasaysayanong PBA Season 50 nga magsugod karong Oktubre 5 sa Smart Araneta Coliseum.
Sila si Vargas ug Marcial magsilbi sa ilang ika-9 nga sunodsunod nga termino alang sa record-extending nga sunodsunod nga labing taas sa PBA sukad sa pagsugod niini niadtong 1975.
Nagpabilin usab sa ilang tagsa-tagsa ka posisyon mao sila si Barangay Ginebra governor Alfrancis Chua isip vice chairman, Atty. Raymond Zorilla sa Phoenix isip treasurer ug si Atty. Ogie Narvasa isip corporate secretary ug legal counsel.
Ang PBA Board anaa karon sa Las Vegas aron planohon ang tibuok PBA Season 50 hangtod sa 2026 isip taas ug dakong selebrasyon sa ika-50 nga bulawanong anibersaryo niini isip unang propesyonal nga liga sa basketball sa Asya.
Ang selebrasyon sa PBA mopakita og mga duwa sa gawas sa nasud sa Dubai, United Arab Emirates sa Oktubre ug sa Bahrain sa Disyembre
via: PBA
