Nanawagan si Nepali President Ramchandra Paudel sa iyang katawhan, nga maghiusa human sa nagpadayong mga lihok protesta. Giawhag niya ang mga nagprotesta nga maghimo og pakigpulong, human nihawa sa pwesto si Prime Minister KP Sharma Oli, kinsa giatake sa mga nagprotesta ang building sa parliamento ug gisunog kini.
Wala usab nakaikyas ang balay sa mi-resign nga Prime Minister human giatake kini sa mga nagprotesta apan gipugngan kini sa mga pulis. Gawas sa Prime Minister, daghang mga ministro sa gabinete sa Nepal ang miluwat sa pwesto.
Nagpagula ang Nepali Army og apela sa publiko nga magpabiling kalmado. Kahinumduman nga miulbo ang kagubot dihang gidili sa gobyerno ang paggamit sa social media ingon man ang lapad nga kurapsyon sa nahisgutang nasud.
Photo Courtesy: Enewspolar
