Nailhan na ang patayng lawas nga nakaplagan sa daplin sa dalan sa Barangay Taviran, Datu Odin Sinsuat, Maguindanao del Norte, Setyembre 9, 2025.
Giila sa iyang kabanay ang patayng lawas nga si Ustadz Abo Sadid Landasan, hamtong ang pangidaron, minyo ug residente sa Barangay Lawil, Aleosan Cotabato.
Gituohang gilabay lamang sa lugar ang biktima nga wala nay kinabuhi, kinsa nakaangkon ug samad pinusilan sa parte sa iyang lawas samtang nakahigot ang iyang kamot og tiil.
Sa report gikan sa pamilya sa biktima, kaadlawon pa sa dihang nilakaw ang biktima paingon sa Barangay Panay sa Aleosan, aron magpaayo sa iyang motorsiklo ug nakurat na lamang ang iyang kabanay sa dihang nabalitaan ang naasoy nga insidente.
Sa karon, padayon ang lawom nga imbestigasyon sa mga otoridad aron masuta ang motibo sa pagpatay sa biktima ug posibleng pag-ila sa suspek.
Photo courtesy to: Monalisa Samama Bangkas
